“Mi vonnu rare a figghia ru re e iu ‘un la vogghiuo!” (parte I)

Pipit’agneddo era  u quarto ri quattru frate. I tri cchiù granne eranu maritate e ognunu avia ‘na casa, un loco, ‘na mugghiere e ‘na scecca. Pipit’agneddu ‘nmeçi stava sulu, laagnusuuuu! Arasciu arasciu si ia manciannu tutta a ligittima ca c’aviav a tuccatu a tutti i figghie. I so frate ci riçianu: “Pipit’agnè venitinni’campagna, viri ca ti mancie tutti cose e poe mori ri fame!”.
A iddu riçe?

Pipit’agneddo travagghiu ‘un ‘nni vulia mancu ‘nto broro, tanto ca arrivau o punto ca veramente si manciau tutta a ligittima.

I so frate su vulianu manciari vivo: “Tu riçiamu nuatre Pipit’agnè? E ora ari ire a travagghiare!”
Iddu tuttu umiliatu: “Se, se , veramente ora c’a ‘gghire!”
“Allura Rumane veni cu n’uatre!”
” No, vabbè ci pensu iu, rumane va cogghiu mantrina!”
Ma quannu mae! Pipit’agneddu si susia a mezziorno e ogni gghiorno s’arricampava ‘ne so frate pi manciare!
“Pipit’agnè? Ci iste a travagghiare?”
“Se, ca certo!”
Curri ca vegnu!

Pipit’agneddu già avia ‘na simana chi ia e bbinia ri ‘ne so frate: “T’a rettiru a simanata Pipit’agnè?”
“Ma quannu mae ‘un mi voli paari!”
“E picchì?”
“Boo! riçe ca picciule ‘unn’avanzo!”
E certo grannissimu curnutu, senno ca a travagghiare ‘un c’hai juto?”
E allura tutte, frate, cugnate e niputedde, cuminciaru a strapazzarisillu ri manu e manu, a tirarici i capidde, a ciunnarici a facce, a sputarici ri ‘ncoddo:” Lagnuso, Lapardeo! ‘Ni stae manciannu i case!”
“Mancia pane a trarimento, fango, ni stae rovinanno!”
“Minchia pu ‘na simana ca ‘un vaiu a travaggiare?”
“Si rovina casata, si na fitinzia!”
“Basta! ora basta rumnane matina ci pinsamu nuatre pi tia!”
L’intenzioni ri so frate eranu tinte e nivur, poviru Pipit’agneddo! Bono quantu lagnusu, mischinu ci parse ca i so frate su vulianu sulu purtare ‘campagna a bastunate! Ma quannu mae! Poveru Pipit’agneddo!